नवी दिल्ली : ईपीएफओने 1 सप्टेंबर रोजी इलेक्ट्रॉनिक चलन आणि रिटर्न (ECR) भरण्यासाठी युनिव्हर्सल अकाऊंट नंबर (Universal Account Number) सह आधार लिंक करण्याची तारीख 1 सप्टेंबर केली होती, त्यामुळे लवकरात लवकर ईपीएफओ आणि आधार नंबर लिंक करणे आवश्यक आहे.
केंद्र सरकार लवकरच पीएफ खात्यात (PF Account) व्याज ट्रान्सफर करणार आहे. या महिन्यात हे पैसे येऊ शकतात. शिवाय सरकारने 8.5 टक्केच्या दराने व्याज देण्याची घोषणा केली आहे. मात्र, 1 सप्टेंबरपूर्वी ईपीएफओ आणि आधार नंबर लिंक (EPFO Link With Aadhaar) केला नाही तर खात्यात कंपनीकडून येणारे योगदान रोखले जाईल. शिवाय तुम्हाला पीएफचे (PF Account) पैसे देखील काढता येणार नाही. यासाठी लवकरात लवकर ईपीएफओ आणि आधार नंबर लिंक करा.
PF Account सोबत Aadhaar जोडण्याची पद्धत :
- www.epfindia.gov.in वेबसाईट ओपन करा.
- Services मध्ये - For Employees वरती क्लिक करा.
- Member UAN/Online services वरती क्लिक करा.
- यानंतर UAN आणि पासवर्ड प्रविष्ट करुन लॉग इन करा.
- त्यानंतर Manage सेक्शनमध्ये KYC या पर्यायावर क्लिक करा.
- याठिकाणी तुम्हाला EPF अकाउंटमध्ये आधारसह कोणती कागदपत्र जोडणं आवश्यक आहे ते दिसेल याठिकाणी आधारचा पर्याय निवडून आधार नंबर आणि आधारवरील तुमचं नाव टाइप करुन Save करा.
- यानंतर तुम्ही दिलेली माहिती सुरक्षित होईल आणि तुमचं आधार UIDAI डेटाशी व्हेरिफाय होईल.
- तुम्ही दिलेली KYC दस्तऐवज बरोबर असल्यास तुमचे आधार तुमच्या EPF खात्याशी जोडले जाईल. आणि तुम्हाला तुमच्या आधार माहिती समोर “Verify” लिहिलेले मिळेल.
