पुणे : चिंचवड येथील एस.के.एफ. इंडिया लिमिटेड (SKF India Ltd) व्यवस्थापन आणि एस.के.एफ. बेअरिंग एम्प्लॉईज युनियन यांच्या मध्ये नवीन वर्षाच्या पहिल्या दिवशी ०१.०१.२०२४ रोजी ६० वर्षाची वेतन करार उशिरा होण्याची परंपरा मोडीत काढत अगोदरच वेतन करार संपण्यापूर्वी २०२४ ते २०२७ या कालावधी करीता १७वा ऐतिहासिक करार संपन्न झाला.
कराराची ठळक वैशिष्ट्ये :
एस.के.एफ.च्या कामगारांना सरासरी रु.२४,२००/- वेतनवाढ मिळवून देण्यात संघटना यशस्वी झाली असून सर्व कामगारांमध्ये आनंदाचे वातावरण आहे.
उद्योग क्षेत्रातील कराराची प्रथा पाहता बहुतेक कंपन्यांमध्ये चार टप्यात वेतन करार होतो व्यवस्थापन व युनियनचे पदाधिकारी यांच्या समन्वयातुन जुन्या कामगारांना पहिल्या महिन्यापासून संपूर्ण वेतनवाढीचे फायदे देण्याचे व्यवस्थापनाने मान्य केले आहे.
टी. एम. ग्रेड मध्ये काम करणाऱ्या कामगारांना रु. १५,०००/- वेतनवाढ देण्यात आली आहे.
एच. आर. ग्रेड मधील जुन्या कामगारांना २५ वर्षे सर्व्हिस साठी १० ग्रॅम सोने ३० वर्षासाठी २० ग्रॅम सोने ही स्कीम बऱ्याच वर्षापासून सुरु असून त्यात काहीच बदल न करता या वर्षापासून ३५ वर्षे सेवा पूर्ण करणाऱ्या कामगारांना रु. २५,०००/- चे गिफ्ट व्हाउचर देण्याचे व्यवस्थापनाने मान्य केले आहे तसेच टी. एम. ग्रेड साठी १० वर्ष सेवा - रु.२०,०००/-, १५ वर्ष सेवा- रु. ३०,०००/-, २० वर्ष सेवा- रु.४०,०००/-, २५ वर्ष सेवा- रु.५०,०००/-, ३० वर्ष सेवा- रु.६०,०००/-, ३५ वर्ष सेवा- रु.७०,०००/-, ४० वर्ष सेवा- रु.८०,०००/- देण्याचे मान्य केले आहे.
किरकोळ रजेत - १, वैद्यकीय रजेत - १, पितृत्व रजेत - २, विशेषाधिकार रजेत - ७ ने वाढ करण्यात आली. अंत्यसंस्कार निधी रु. ८,०००/- विशेष निवृत्ती प्रोत्साहन भत्ता रु. २६,०००/- तसेच २९० दिवस हजार राहणाऱ्या कामगारास रु.१०,०००/- बक्षीस देण्याचे मान्य करण्यात आले आहे.
वेतन करारावर एस.के.एफ. व्यवस्थापनाकडुन शैलेश शर्मा (डायरेक्टर), प्रशांत हांडे (फॅक्टरी हेड), मंजुनाथ करीकट्टी (डी.जी.एम. एच. आर.), राजेंद्र ताटे, मोहन जगताप, युवराज जाधव, राम नलावडे, जेकब वर्गीस, अनंत देवकाते तसेच एस.के.एफ. बेअरिंग एम्प्लॉईज युनियन च्या वतीने अध्यक्ष सुनील आव्हाळे, जनरल सेक्रेटरी साजिद पठाण, उपाध्यक्ष किशोर कदम व विक्रांत जाधव, जॉईंट सेक्रेटरी रोहित कांचन, खजिनदार मयुर पाटील यांनी स्वाक्षरी केल्या.
एस.के.एफ. कामगारांकडून कंपनी प्रवेशद्वारावर भंडारा उधळून या ऐतिहासिक कराराचा जल्लोष साजरा करण्यात आला.
 येथे वेतनवाढ करार संपन्न){kind=link}