पुणे : मुंढवा, पुणे येथील भारत फोर्ज लिमि. (Bharat Forge Ltd) कंपनी व्यवस्थापन आणि कामगार संघटना यांच्या मध्ये वेतनवाढ करार दि.१२ मे २०२३ रोजी संपन्न झाला.
करार मधील ठळक वैशिष्ट्ये पुढीलप्रमाणे :
करार कालावधी : वेतनवाढ करार १ जुलै २०२२ ते ३० जून २०२५ (३वर्ष)
पगारवाढ : कामगारांना एकरकमी स्किल लेव्हल 1- साठी प्रत्यक्ष रू.16000/ आणि अप्रत्यक्ष रू.700/- एकुण रुपये 16700/- व स्किल लेव्हल 2- साठी प्रत्यक्ष रू.17000/- आणि अप्रत्यक्ष रू.700/- एकुण रुपये 17700/- एवढी पगारवाढ
व्ही डि ए (बदलता महागाई भत्ता) :
कंपनीच्या सेवेमध्ये असणारे कामगारांस पुणे राहणीमान निर्देशंकाच्या ५२२५ अंकाच्या वरील वाढीकरिता प्रतिदिन प्रतिअंकास ०.०९ या दराने बदलता महागाई भत्ता मिळण्यास पात्र राहतील.
महाराष्ट्राबाहेर - 15000 रुपये प्रति महिना.
महाराष्ट्रात - 5000 रुपये प्रति महिना
स्पेशल रजा ६/१० दिवस
मुव्हर्स & पेकर्स जो खर्च येईल तो.
Deposit-. 3 महिने पगार अडव्हांस
स्कूल डोनेशन - 25000 रुपये
बस सुविधा
नाष्टा v जेवण नसल्यास , नाश्त्यासाठी 50 रू. व जेवणासाठी 150 रू. प्रत्येक दिवसाला.
बदली केलेल्या ठिकाणी 15 दिवस राहण्याची सोय कंपनी करणार.
ट्रॅव्हल ac railway तिकीट.
कार लोन
दर वर्षी 20 कामगारांना 150000/- रुपये 4% व्याजाने मिळतील.
कॅन्टीन
सॅलड -काकडी/गाजर/बीट/टोमॅटो.
कडधान्य- मोड आलेले मुंग/मटकी/चना/ चवळी.
पालेभाजी- पालक/मेथी/कोबी/दुधी
डाळ- मूंग/तुर/मसूर
फळ पपई/केळी/सफरचंद/टरबूज/संत्री
दही/ताक
उकडली अंडी
उष्णता भत्ता : प्रत्यक्ष उष्णता भत्ता- प्रतिदिन रु.३५/- देण्यात येईल, अप्रत्यक्ष उष्णता भत्ता - प्रतिदिन रु.३०.९७/- देण्यात येईल.
एल टी ए : प्रतिवर्ष रु.६,०००/- इतका देण्यात येईल.
रात्रपाळी भत्ता : रात्रपाळी भत्ता प्रतिदिन रु.२५/- देण्यात येईल.
भोजन भत्ता : कॅन्टीन सुविधा घेऊ न शकणारा कामगार भोजन भत्ता प्रतिदिन रु.३००/- देण्यात येईल.
मासिक हजेरीसाठी दोन दिवसाचा मूळ पगार +महागाई भत्ता एवढी रक्कम बक्षीस म्हणून देण्यात येईल.
त्रैमासिक हजेरीसाठी रु.१,८००/- देण्यात येईल.
सहामाही रु.१७०१/-.इतका देण्यात येईल.
एका मुलानंतर शस्त्रक्रिया केल्यास रु. ४०००/-रक्कम दिली जाईल.
दोन मुलानंतर शस्त्रक्रिया केल्यास रु. ३,५००/-रक्कम दिली जाईल.
इतर केसमध्ये शस्त्रक्रिया केल्यास रु. १,०००/-रक्कम दिली जाईल.
खातेनिहाय सहल भत्ता : प्रतिवर्ष रु.२५००/- इतका देण्यात येईल.
बस सुविधा : सर्व कामगारांना बस सुविधा उपलब्ध राहील तसेच पूर्वीच्या बस सुविधेव्यतिरिक्त दोन बस वाढविण्यात येतील. बससुविधेपोटी दरमहा रु.१००/- कपात करण्यात येईल.
गृहकर्ज /फर्निचर योजना : ज्या कामगारांना सेवेत ५ वर्ष पूर्ण असतील असे प्रतिवर्ष ३० कामगार रु.३,००,०००/-इतके कर्ज मिळण्यास पात्र असतील सदर कर्ज द.सा.द.से. शेकडा ५% दराने देण्यात येईल.
घर बांधणी निधी : या निधीसाठी व्यवस्थापनाने एकरकमी रु.२०,००,०००/-(वीस लाख रुपये) देण्याचे मान्य केले आहे.
गणवेष : गणवेषाचे प्रतिवर्षं तीन संच देण्याची वारंवारिता यापुढेही चालू राहील. या सुविधेव्यतिरिक्त प्रतिवर्ष १ टी शर्ट देण्याचेही मान्य केले आहे.
खेळ : कामगारांसाठी भविष्यामध्ये खेळांना उत्तेजन देण्यामध्ये आपण विशेषत्वाने उत्सुक असून दरवर्षी क्रिकेट,कब्बडी व्हॉलीबॉल, सायकलिंग, कॅरम, बुद्धिबळ स्पर्धा भरविल्या जातील व येणारा सर्व खर्च कंपनीतर्फे केला जाईल,असे व्यवस्थापनेने प्रतिपादन केले आहे.
सांस्कृतिक महोत्सव : कामगारांना तसेच परिवारातील सदस्यांना(पत्नी,अपत्य) सांस्कृतिक कार्यक्रमांमध्ये उत्तेजन देण्यामध्ये आपण विशेषत्वाने उत्सुक असून दरवर्षी सांस्कृतिक कार्यक्रम घेण्यात येईल व त्यासाठी येणारा सर्व खर्च कंपनीतर्फे केला जाईल असे व्यवस्थापनेने प्रतिपादन केले आहे
मरणोत्तर सहाय्य निधी : एखादा कायमस्वरूपी कामगार मृत पावल्यास कुटुंबीयांस मदत निधी म्हणून प्रत्येकी कामगार रु. ३५०/- मदत देण्यात येईल आणि कामगारांची जी रक्कम जमा होईल तेवढीच रक्कम कंपनी देईल असे कंपनीने मान्य केले आहे.
कामगार कल्याण निधी : ही वर्गणी प्रत्येकी कामगार रुपये १६/- दरमहा दराने कपात करून कामगार कल्याण निधीमध्ये जमा केली जाईल.
विवाहासाठी सहाय्य उचल : कामगाराला स्वतःच्या अथवा मुला मुलीच्या लग्नासाठी रु. १,२५,०००/-(एक लाख)देण्यात येईल.
शिष्यवृत्ती योजना : उच्च शिक्षणासाठी नवीन शिष्यवृत्ती योजनेअंतर्गत वार्षिक रु.७,००,०००/-(रु सात लाख) तरतूद करण्याचे मान्य केले आहे.
उच्च शिक्षण कर्ज योजना : उच्च शिक्षण कर्ज योजना रु.८०,०००/-(ऐंशी हजार) देण्यात येईल.
गुणवत्ता प्रणाली आणि नित्य सुधारणा : आंतरराष्ट्रीय मानांकनानुसार आवश्यक किंवा औद्योगिक क्षेत्रात उत्तम गणली जाणारी नविन यंत्रणा आणि कार्यपद्धती यांची अंमल बजावणी करण्यासाठी,परिश्रमांसाठी संघाने आपला पूर्ण पाठिंबा आणि सहभाग जाहीर केला आहे.
आरोग्य विमा योजना : आरोग्य विमा योजना यापुढेही चालू राहील.
फ्लोटर मेडिक्लेम पॉलिसी : कामगारांच्या कुटुंबासाठी(स्वतः कामगार, त्याची पत्नी, आई, वडील दोन अपत्य) विमा रक्कम वार्षिक रु.२,५०,०००/- असेल. या व्यतिरिक्त बफर पॉलिसी रु.१,००,०००,०००/-(एक कोटी रुपये) विमा कंपनीकडे ठेवण्याचे तसेच गंभीर आजाराच्या बाबतीत वापरण्याचे मान्य केले आहे.
विशेष फायदे : ग्रॅच्युइटी कायद्याप्रमाणे कामगारास दिली जाईल.
स्पेशल ग्रॅच्युइटी : दहा वर्षे किंवा त्यापेक्षा जास्त काळ कंपनीच्या सेवेतून कामगारास कंपनी सोडल्यास किंवा सेवेतून बाहेर झाल्यास ते कामगार पाच महिन्यांचे वेतन (मुळ वेतन + महागाई भत्ता) स्पेशल ग्रॅच्युइटीस पात्र राहतील.
आजारपणाची विशेष रजा : आजारपणाची विशेष रजा ९० दिवस इतकी आहे. कर्करोग, अँजिओप्लास्टी, अर्धांगवायू, किडनी निकामी इ.गंभीर आजारासाठी वरील रजा मंजूर केल्या जातील.
वैद्यकीय तपासणी : कामगारांची तसेच त्याच्या पत्नीची वेतनकराराच्या कालावधीत वैद्यकीय तपासणी केली जाईल. तसेच कामगाराची वर्षातून दोनदा कंपनीत चाचणी करण्याचे कंपनीने मान्य केले आहे.
१५ वर्ष सेवा कालावधी पारितोषिक रक्कम रु.३,०००/-देण्यात येईल.
२५ वर्ष सेवा कालावधी पारितोषिक रक्कम रु.१२,०००/-देण्यात येईल.
३५ वर्ष सेवा कालावधी पारितोषिक रक्कम रु.६,०००/-देण्यात येईल.
३८ वर्ष सेवा कालावधी पारितोषिक रक्कम रु.५,०००/-देण्यात येईल.
सेवानिवृत्ती भेट : सेवानिवृत्त होणाऱ्या कामगारांना एक महिन्याचे मूळ वेतन + महागाई भत्ता + ३५,०००/- एवढी रक्कम भेट म्हणून देण्यात येईल.
सेवा निवृत्ती वय : कामगाराचे सेवानिवृत्ती वय ६० वर्ष असेल
कराराचा लाभ : कराराचा लाभ म्हणून रु .८,०००/-लागू असल्यास आयकराची कपात करून देण्यात येईल. तसेच या येणाऱ्या रकमेतून रु.४०००/- इतकी रक्कम कंपनीने कापून घ्यावयाची असून ती रक्कम संघाच्या कार्यासाठी संघाकडे द्यावयाची आहे.
बोनस : बोनस हा मिनिमम वेजेसच्या २०% अंदाजे ३०,०००/- (तीस हजार) प्रत्येक वर्षी देण्यात येईल.
मिठाई : कामगारांसाठी दसरा सणानिमित्त १ किलो सुकामेवा मिठाई दरवर्षी देण्यात येईल.
सदर वेतनवाढ करारामुळे कामगाराचा कमीतकमी रु.६७,०००/- व जास्तीत जास्त रु.१००,०००/- एवढा मासिक पगार होईल. वेतनकरार फरकापोटी रु.१,७७,०००/- व रू.१६७०००एवढी रक्कम देण्यात येईल.
सदर करारामुळे कामगार वर्गामध्ये आनंदाचे वातावरण असून संघटनेच्या सातत्यपूर्ण प्रयत्नांमुळेच हे यश मिळाल्याची भावना कामगारांनीही व्यक्त केली.
%20company.jpg)
 येथे वेतनवाढ करार संपन्न){kind=link}