पिंपरी : कोरोना कालावधीनंतर आलेल्या आर्थिक संकटामुळे भोसरी एमआयडीसीतील ब्लॉक एफ दोन मधील बहुराष्ट्रीय एक्सएएल टूल इंडिया प्रायव्हेट लिमिटेड (XAL Tool India Pvt Ltd) कंपनीला टाळे ठोकण्यात आले आहे.हा निर्णय कंपनीच्या व्यवस्थापकीय संचालकांनी रविवारी (ता. २४) घेतला. कंपनीने सर्व कायदेशीर देणी दिली आहेत. परंतु, कामगारांवर बेरोजगारीची कुऱ्हाड कोसळली आहे असे वृत्त सकाळ वृत्तसंस्थेने दिले आहे.
''कंपनीतील ८४ कर्मचारी व कामगारांना थेट मेलद्वारे कळविण्यात आले आहे. कंपनी व संघटनेतील करार संपण्याअगोदरच कंपनीने कामगारांना बडतर्फ केले आहे. व्यवस्थापकीय अधिकारी देश सोडून गेले आहेत. कंपनी बंद करत असल्याची पूर्वसूचना कोणतीही दिलेली नाही. अन्यथा, आम्ही दुसरीकडे कामाचा प्रयत्न केला असता. सध्या दुसऱ्या कंपनीत कामाची विचारणा केली असता, आमच्याबाबत गैरसमज केला जात आहे. सरसकट सर्वांना कामावरून काढले आहे. कंपनीने कर चुकवेगिरी करण्यासाठी हा निर्णय घेतला आहे. आधीची जुनी कंपनी एका नव्याने असताना दुसऱ्या नावाने कंपनी स्थापन करण्यात आली होती. कंपनीतील यंत्रसामुग्रीची विक्री करून नव्याने प्लांट उभारला जाणार आहे,'' अशी माहिती एक कामगार प्रशांत परांजपे यांनी 'सकाळ'ला दिली आहे.
- संतोष बेंद्रे अध्यक्ष, शिवगर्जना कामगार संघटना
- अलेस्सांद्रो लॅम्ब्रुची, व्यवस्थापकीय संचालक, एक्सएएल टूल इंडिया प्रायव्हेट लिमिटेड, भोसरी
