पुणे : रांजणगाव एम.आय.डी.सी मधील मास्किओ गास्पारदो इंडिया प्रा.लिमि. (Maschio Gaspardo India Pvt. Ltd.) कंपनी व्यवस्थापन आणि मास्किओ गास्पारदो इंडिया कामगार संघटना यांच्या वतीने येथील कायमस्वरूपी कामगारांसाठी पगार वाढीचा व अन्य सुविधांचा करार अतिशय मैत्रीपूर्ण व आनंदी वातावरणात दि.28 ऑक्टोबर 2021 रोजी संपन्न झाला .
वेतनवाढ करार ठळक मुद्दे पुढील प्रमाणे :
- करार कालावधी : तीन वर्षासाठी (दि.1 जानेवारी 2021 ते दि.31 डिसेंबर 2023)
- वेतन वाढ : तीन वर्षांसाठी प्रत्यक्ष रु.15,000/- रुपये एवढा झाला याव्यतिरिक्त इन्सेंटिव्ह रु.2,480/- प्रति महिना देण्याचे मान्य करण्यात आले.
कराराची रक्कम ही तीन वर्षासाठी समान टप्प्यात (रु.5,000 + रु.5,000 + रु.5,000) देण्याचे मान्य करण्यात आले.
- मेडिक्लेम पॉलिसी : पाच लाखापर्यंत मान्य करण्यात आली त्यामध्ये ( पती, पत्नी, दोन मुले,आई-वडिल ) मेडिक्लेम पॉलिसीचा प्रीमियम हा सीटीसीचा भाग राहणार नाही असे कंपनी व्यवस्थापनाकडून मान्य करण्यात आले.
- रजा : पुर्वीप्रमाणेच ठेवण्यात आल्या.
- दिवाळी बोनस : संघटनेशी चर्चा करून देण्याचे मान्य करण्यात आले.
- गणवेश : दरवर्षाला दोन जोडी पॅन्ट आणि शर्ट तसेच एक जोडी शूज देण्याचे मान्य करण्यात आले.
- ग्रुप पर्सनल एक्सीडेंट पॉलिसी : पॉलिसीचे बेनिफिट हे सीटीसी च्या चार पट एक्सीडेंट डेथमध्ये कामगाराच्या कुटुंबाला देण्याचे मान्य करण्यात आले.
- बस सुविधा : पुणे व शिरूर या ठिकाणाहून पहिली देण्यात येत होती ती तशीच ठेवण्यात आली व त्यासंबंधी कोणत्याही प्रकारचे कटिंग पगारातून करण्यात आलेले नाही.
- कॅन्टीन : हि सुविधा पूर्वीप्रमाणे आहे तशीच ठेवण्यात आली व कोणत्याही प्रकारचे कटिंग पगारातून करण्यात आलेले नाही.
- दिवाळी गिफ्ट : रक्कम रु.एक हजार रुपये ठरवण्यात आली तसेच दिवाळी गिफ्ट ठरवताना युनियनला विचारात घेऊन ते फायनल केले जाईल असे मान्य करण्यात आले.
- फॅमिली गेट-टुगेदर : हे वर्षातून एकदा करण्याचे मान्य करण्यात आले व संदर्भाची दिनांक ही मीटिंग करून ठरवण्यात येईल असे मान्य करण्यात आले
- ज्येष्ठत्व अवॉर्ड : ज्यांची सर्विस पाच ,दहा ,पंधरा वर्षे अशी झालेली आहे त्यांना ते देण्याचे मान्य करण्यात आले व तसेच ते अवॉर्ड फॅमिली डे च्या दिवशी देण्याचे मान्य करण्यात आले.
- कंपनी प्रोडक्ट नवीन मशीन Employee स्कीम मध्ये 10% व Non- Moving मधील मशीन वरती 25% डिस्काउंट हे कंपनीची प्रोडक्ट खरेदी करताना कामगारास देण्यात येईल असे मान्य करण्यात आले.
- ट्रेनिंगसाठी देशामध्ये अथवा परदेशामध्ये पाठवण्यात येईल. परदेशातील ट्रेनिंग नंतर कामगाराला तीन वर्षे कंपनी सोडता येणार नाही हे सर्वानुमते मान्य करण्यात आले.
- कामगारांनी कामाची उत्पादकता तसेच क्वालिटी गुणवत्ता टिकवून काम करण्याचे मान्य करण्यात आले.
सदर करार संपन्न होण्यासाठी व्यवस्थापनाकडून मंगेश कटारिया (MD), मॅन्युल (Plant Head), राजेश मुराडी (H.R. Head), दास ( CFO), इंद्रभान (HR dept) आणि संघटनेच्या वतीने खालील अध्यक्ष सुरेश बगाटे, उपाध्यक्ष राजेंद्र पागळे, सेक्रेटरी अशोक चव्हाण, खजिनदार दिगंबर जाधव, सरचिटणीस सतिश भोंग, संघटक अजित सूर्यवंशी, सदस्य आनंद बुचुकले यांनी काम पाहिले.
करार यशस्वी होण्यासाठी राष्ट्रीय श्रमिक एकता महासंघाचे किशोरजी ढोकले, राजूअण्णा दरेकर मार्गदर्शन आणि गोरख वाळके, शरद थिटे, भगवान चव्हाण, महेश भगत, बाळकृष्ण पंडित या कामगार प्रतिनिधी यांचे सहकार्य लाभले.
