SKF India to provide financial support to employees amid Covid-19 pandemic
ऑटोमोटिव्ह आणि औद्योगिक घटक निर्माता एसकेएफ इंडियाने (SKF India) सोमवारी कोरोव्हायरस संसर्गामुळे एखाद्या कर्मचाऱ्याचा मृत्यू झाल्याची दुर्दैवी घटना घडल्यास कर्मचारी आणि त्यांच्या जवळच्या कुटुंबातील सदस्यांना कोविड-१९ (Covid-19) समर्थन देण्याची घोषणा केली असे वृत्त बिझनेस स्टॅंडर्ड वृत्तसंस्थेने दिले.
या उपाययोजनांचा एक भाग म्हणून,
- कंपनी पुढील तीन वर्षांसाठी जीवन विमा संरक्षण
- बारावीपर्यंतच्या दोन मुलांना शिक्षण सहाय्य देणार
- त्याशिवाय एसकेएफ ब्ल्यू कॉलर कर्मचाऱ्यांचा अवलंबितांना ५ लाख रुपयांची एकरक्कमी आर्थिक मदतही देणार आहेत
यापूर्वी, कंपनीने संक्रमित कर्मचार्‍यांना व्हर्च्युअल हेल्थकेअर सिस्टीम प्रदान करण्यासाठी डेटूडे हेल्थकेअरच्या (DayToDay Healthcare) भागीदारीत वेगवेगळ्या ठिकाणी कोविड केअर सेंटर सुरू केले होते.
एसकेएफ इंडिया लिमिटेडच्या सीएचआरओ गौतम कुमार म्हणाले, "आमची टास्क फोर्स नियमितपणे परिस्थितीवर लक्ष ठेवते आणि देशभरात त्यांना आवश्यक ते सर्व सहाय्य पुरवते, ज्यात वैद्यकीय पुरवठा आणि ऑक्सिजन सिलिंडरची व्यवस्था करणे, हॉस्पिटलची सुविधा आणि इतरांकरिता घर-देखभाल वेगळ्या सुविधा समाविष्ट आहेत."
"याव्यतिरिक्त, कंपनी सरकारच्या मार्गदर्शक सूचनांनुसार आपल्या सर्व कर्मचार्‍यांना आणि त्यांच्या कुटुंबातील सदस्यांसाठी लसीकरणाचा खर्च भागवत आहे", असे ते म्हणाले.
आम्ही तिसऱ्या लाटेची तयारीही सुरू केली आहे, असेही ते म्हणाले.
कंपनीने सांगितले की, त्यांनी कम्युनिटी केअरच्या तत्त्वानुसार देशभरातील वेगवेगळ्या ठिकाणी स्थानिक रुग्णालये आणि अग्रभागी कामगारांना वैद्यकीय उपकरणे, पीपीई किट, ऑक्सिजन केंद्रे आणि इतर वैद्यकीय साहित्य कंपनीद्वारे पुरवले आहेत.
 कोविड-१९ साथीच्या आजारात कर्मचार्‍यांना आर्थिक सहाय्य देणार){kind=link}