अकोला - सहाय्यक कामगार आयुक्त विभागामार्फत दि.२२ ते २८ फेब्रुवारी २०२१ या कालावधीत किमान वेतन अधिनियमाची प्रभावीपणे अंमलबजावणीकरीता जनजागृती सप्ताह आयोजीत करण्यात आले आहे. अशी माहिती अवर अकोला वृत्तसंस्थेने दिली आहे.
किमान वेतन अधिनियमानुसार विविध आस्थापना दुकाने, हॉटेल्स, कारखाने, विविध उद्योग व इतर व्यापारी संस्था अंतर्गत एकूण ६७ अनुसूचित उद्योगातील कामगारांसाठी किमान वेतन दर निश्चित केलेले आहेत. त्यानुसार कामगारास किमान वेतन धनादेश किवा बँकेमार्फत देणे बंधनकारक आहे. तसेच कार्यस्थळी हजेरी रजीस्टर ठेवणे बंधनकारक आहे. सर्व संबंधितांनी किमान वेतनानुसार कामगारांना वेतन अदा करण्याचे आवाहन सहाय्यक कामगार आयुक्त रा. दे. गुल्हाने यांनी केले आहे. तसेच अधिक माहितीकरीता ई-मेल किंवा ०७२४-२४२९२८९ दुरध्वनी क्रमांकावर सहाय्यक कामगार आयुक्त, गोरक्षण रोड, अकोला येथे संपर्क साधावा.
