- महाराष्ट्र विज कंत्राटी कामगार संघ
पुणे : महाराष्ट्र वीज कंत्राटी कामगार संघ संलग्न भारतीय मजदूर संघाच्या आंदोलनाची दखल घेत मा.ना उर्जामंत्री देवेंद्रजी फडणवीस यांनी निवडणुकी पूर्वी मीटिंग घेऊन संघटनेला खूप सहकार्य केले त्यांनी अनेक समस्यांवर तोडगे काढले तसेच 19% पगार वाढ दिली.तिन्ही वीज कंपनीतील अधिकाऱ्यांनी कामगार हितार्थ काही चांगली परिपत्रके काढली मात्र 19 % पगारवाढी बाबत जी परीपत्रके काढली ती जाणीवपूर्वक चुकीची काढली का ? याची चौकशी करून यात पुन्हा दुरुस्ती करून नवीन परिपत्रके काढण्याची सूचना नवीन ऊर्जामंत्री यांनी प्रशासनाला करावी अशी कामगार हितार्थ पहिली मागणी करणार असल्याचे अध्यक्ष निलेश खरात यांनी मनोगत व्यक्त केले आहे.
नवीन महायुती सरकार संपूर्ण बहुमताने आले त्यांचे मनःपूर्वक अभिनंदन नवीन ऊर्जामंत्री व कामगार मंत्री हे आगामी काळात संघटनेला सकारात्मक सहकार्य करतील व कामगारांच्या प्रलंबित समस्यांवर निश्चितच तोडगा काढतील असा विश्वास महामंत्री सचिन मेंगाळे संघटनेने व्यक्त केला आहे.
