केंद्रीय अर्थमंत्री निर्मला सीतारामन यांनी मंगळवारी 2024-25 या आर्थिक वर्षाचा सर्वसाधारण अर्थसंकल्प सादर केला. या अर्थसंकल्पात त्यांनी पहिल्यांदाच नोकऱ्या मिळवणाऱ्यांना भेट दिली आहे. सीतारामन म्हणाल्या की, संघटित क्षेत्रात पहिल्यांदा नोकरी सुरू करणाऱ्यांना एक महिन्याचा पगार दिला जाईल. हा पगार डायरेक्ट बेनिफिट ट्रान्सफर (DBT) द्वारे तीन हप्त्यांमध्ये दिला जाईल.
1. पहिल्यांदा नोकरी मिळणाऱ्यांना भेट –
अर्थमंत्री सीतारामन म्हणाल्या, “रोजगार आणि कौशल्य विकास हा सरकारच्या नऊ प्राधान्यांपैकी एक आहे. या अंतर्गत पहिल्यांदा नोकरी मिळवणाऱ्यांना खूप मदत मिळणार आहे. संघटित क्षेत्रात नोकरी सुरू करणाऱ्यांना एक महिन्याचा पगार दिला जाईल. हे वेतन तीन हप्त्यांमध्ये देण्यात येणार आहे. त्याची कमाल रक्कम 15 हजार रुपये असेल. ईपीएफओमध्ये नोंदणी केलेल्या लोकांना ही मदत मिळेल. पात्रता मर्यादा 1 लाख रुपये प्रति महिना असेल. याचा फायदा 2.10 कोटी तरुणांना होणार आहे.
2. पीएफमध्ये एक महिन्याचे योगदान –
अर्थमंत्र्यांनी सांगितले की, सरकार रोजगाराशी संबंधित तीन योजना सुरू करणार आहे. एक महिन्याचा पीएफ (भविष्य निर्वाह निधी) योगदान देऊन नोकरीत प्रवेश करणाऱ्या 30 लाख तरुणांना फायदा मिळेल. महिला कर्मचाऱ्यांच्या सहभागाला प्रोत्साहन देण्यासाठी देशात कार्यरत महिला वसतिगृहे सुरू करण्यात येणार असल्याची घोषणाही त्यांनी केली.
3. 1 कोटी युवकांना टॉप-500 कंपन्यांमध्ये 12 महिन्यांची इंटर्नशिप आणि मासिक भत्ता –
अर्थमंत्री निर्माण सीतारामन यांनी आपल्या अर्थसंकल्पीय भाषणात सांगितले की, सरकार येत्या पाच वर्षांत टॉप-500 कंपन्यांमध्ये एक कोटी तरुणांना इंटर्नशिपची संधी देईल. ही इंटर्नशिप 12 महिन्यांसाठी असेल. यामध्ये तरुणांना व्यवसायाचे खरे वातावरण जाणून घेण्याची आणि विविध व्यवसायातील आव्हानांना सामोरे जाण्याची संधी मिळणार आहे. याअंतर्गत तरुणांना दरमहा 5 हजार रुपये भत्ताही दिला जाणार आहे. एवढेच नाही तर त्यांना सहा हजार रुपये एकरकमी मदत म्हणून देण्यात येणार आहे. कंपन्यांना त्यांच्या कॉर्पोरेट सामाजिक जबाबदारीचा भाग म्हणून प्रशिक्षण खर्च आणि इंटर्नशिपच्या 10 टक्के खर्चाचा भार उचलावा लागेल.
4. 1000 औद्योगिक प्रशिक्षण संस्था अपग्रेड केल्या जातील –
अर्थमंत्री म्हणाल्या, कौशल्य विकास आणि राज्य सरकार आणि उद्योग यांच्या सहकार्यासाठी पंतप्रधान पॅकेज अंतर्गत चौथी योजना म्हणून केंद्राची नवीन प्रस्तावित योजना जाहीर करताना मला आनंद होत आहे. पाच वर्षांच्या कालावधीत 20 लाख युवक कुशल होतील. एक हजार औद्योगिक प्रशिक्षण संस्था (ITIs) हबमध्ये अपग्रेड केल्या जातील.
5. हवामान अनुकूल बियाणे विकसित करण्यासाठी सरकार निधी देईल –
सीतारामन म्हणाल्या की, हवामान अनुकूल बियाणे विकसित करण्यासाठी सरकार खाजगी क्षेत्र आणि त्याच्याशी संबंधित तज्ञ आणि इतरांना निधी देईल.
6. मनरेगा अंतर्गत कुटुंबातील एका सदस्याला किमान 100 दिवसांचा रोजगार –
त्या पुढे म्हणाल्या, सध्याची मनरेगा (महात्मा गांधी राष्ट्रीय ग्रामीण रोजगार हमी) योजना प्रत्येक कुटुंबातील किमान एका व्यक्तीला 100 दिवसांचा रोजगार देईल जे प्रौढ सदस्य शारिरिक काम करण्यास उत्सुक असतील.
