कुरकुंभ : भारतीय मजदूर संघ पुणे जिल्ह्याच्या वतीने दि 13 ऑगस्ट रोजी कुरकुंभ एमआयडीसी मध्ये बहात्तर स्वातंत्र्याच्या अमृत महोत्सवी वर्षानिमित्त मोटार सायकल रॅली काढली होती. रॅली मध्ये झेंडा, बॅनर, माध्यमातून कुरकुंभ औद्योगिक परिसरात कामगारांमध्ये राष्ट्रीय भावना वाढविण्यासाठी भारत माता की जय, जय हिंद, देश के हित में करेंगे काम काम का लेंगे पुरा दाम, देश भक्त मजदूरों ऐक हो ऐक हो, घोषणानी परिसर दणाणून गेला होता.
विविध कंपनी समोर झालेल्या मिटींग मधे स्वातंत्रच्या लढ्यात कामगारांचे योगदान, लोकमान्य टिळक यांच्या मंडाले तुरूंगा मधून सुटके करिता कामगारनी केलेला संप, बाबुगेनु यांचे बलिदान याची माहिती दिली. त्याच प्रमाणे कुरकुंभ एमआयडीसी मध्ये औषध उत्पादन कंपनी, खाद्य तेल कंपनी, विविध बहुउपयोगी केमिकल कंपनी असल्याने कोव्हीड लाॅकडाऊन कालावधीत शासन, समाजाची आवश्यकता म्हणून बहुतांश कंपनीची उत्पादन प्रक्रीया चालू ठेवण्यासाठी कामगारांनी महत्वपूर्ण योगदान देवुन कोव्हीड महामारी मध्ये मात करण्यासाठी योगदान दिले या मधुन देशहित, समाज हिताचे महत्वपूर्ण योगदान राहीले आहे असे अखिल भारतीय ठेका मजदूर महासंघाचे सरचिटणीस सचिन मेंगाळे यांनी नमूद केले आहे.
कंत्राटी कामगारांच्या वेतना मध्ये वाढ, प्रलंबित किमान वेतनदरा मधील वाढ त्वरित करण्याबाबतीत तसेच आयआर कोड व हेल्थ अँड सेफ्टी कोड मधील कामगारांना जाचक अटी व नियम बदलण्या बाबतीत भारतीय मजदूर संघाने सुचवलेल्या बदला प्रमाणे सुधारणा न केल्यास सरकार च्या विरोधात महाराष्ट्रव्यापी आंदोलन करावे लागेल असा इशारा दिला आहे भारतीय मजदूर संघ पुणे जिल्हा अध्यक्ष अर्जुन चव्हाण यांनी मार्गदर्शन करताना दिला आहे.
या रॅलीचे नेतृत्व भारतीय मजदूर संघाचे पदाधिकारी सचिन मेंगाळे, अर्जुन चव्हाण, सरचिटणीस बाळासाहेब भुजबळ, निलेश गाडगे व कारगील इंडिया कुरकंभ कामगार कमिटी, ईटनन्स फाईन्स केमिकल कामगार कमिटी, सिल्पा लिमी कामगार कमिटी, हेंकल अॅडीसीव्ह कामगार कमिटी यांनी केले. यावेळी कुरकुंभ, दौंड, भागातील विविध कंपनी मधील कामगार मोठ्या संख्येने उपस्थित होते.
