तळोजा : तळोजा MIDC मधील मे. केलॉग्स इंडिया ली. या कंपनीतील सफाई व गार्डनिंग करणाऱ्या कामगारांना कामगार नेते श्री.महेंद्रशेठ घरत यांच्या न्यू मॅरीटाईम अन्ड जनरल कामगार संघटनेच्या माध्यमातून तीन वर्षासाठी ९,०००/- रुपयांची पगारवाढ देण्याचा करार (दि. २८ जाने) संघटनेच्या पनवेल येथील कार्यालयात करण्यात आला. पगारवाढीमुळे सफाई कामगारांचा पगार तब्बल ४३,०००/- रुपये झाला आहे असे वृत्त रायगड टाइम्स वृतसंस्थने दिले आहे.
या करारनाम्यानुसार १३% बोनस २ लाख रुपयांची मेडीक्लेम पॉलीसी तसेच टर्म इनश्युरन्ससाठी ४,०००/- प्रत्येक वर्षी, २ रजेमध्ये वाढ करण्यात आली आहे. पिकनिकसाठी दरवर्षी ४०,०००/- रुपये, महिन्यातून २ वेळा हाफडे जाण्याची मुभा देण्याचे मान्य करण्यात आले आहे.कोरोना काळातही तब्बल ९,०००/- रुपये पगारवाढ झाल्यामुळे कामगारांमध्ये आनंदाचे वातावरण आहे. कामगारांनी संघटनेचे अध्यक्ष व पदाधिकाऱ्यांचे आभार मानले.
या करारनाम्याप्रसंगी संघटनेचे अध्यक्ष तथा रायगड जिल्हा कॉंग्रेस कमिटीचे अध्यक्ष श्री. महेंद्रशेठ घरत, कार्याध्यक्ष पि. के. रामण, सरचिटणीस श्री. वैभव पाटील, व्यवस्थापनातर्फे श्री. शंकर सुब्रमनियन, प्रमोद वाडकर, एस. के. एंटरप्रायजेसचे डायरेक्टर सुरेश खानावकर, संकेत खानावकर, संघटक श्री. योगेश रसाळ, आदित्य घरत, विवेक म्हात्रे, केसरीनाथ नाईक, कामगारांतर्फे श्री. भगवान ढोंगरे, मारुती पाटील, प्रकाश फडके, मोहन फडके, दिलीप पोरजी आदी उपस्थित होते.
