भारतीय मजदूर संघाची केंद्र सरकार कडे मागणी अन्यथा देशव्यापी आंदोलन
पुणे : ईपीएस पेन्शन धारकांना किमान किमान पेन्शन रुपये 1000 मिळत असुन बिडी ऊद्योगातील कामगारांना कमी दराने रू 600 ते 1000 रू प्रमाणे पेन्शन मिळत असल्याने पेन्शन धारकांना किमान अत्यावश्यक गरजा भागवणे अत्यंत जिकिरीचे झाले आहे. वाढत्या वयामुळे आजारपणाचे खर्च करू न शकल्याने लाखो पेन्शन धारकांना हालाखीचे जीवन जगावे लागत आहे. म्हणून भारतीय मजदूर संघाच्या वतीने पेन्शन संदर्भात भविष्य निर्वाहनिधी कार्यालया समोर आंदोलन करण्यात आले.
सन 1995 नंतर पेंशन मध्ये वाढ करण्यात आली नव्हती म्हणून भारतीय मजदूर संघाच्या पाठपुरावा मुळे सन 2010 साली मा.भगतसिंग कोश्यारी समिती स्थापन करण्यात आली या वेळी रू 1000 प्रतिमाहे पेन्शन लागु करण्यात आली व याची अंमलबजावणी भारत सरकारने 2014 साली केली. मात्र गेल्या 11 वर्षात वाढलेली महागाई, औषध उपचारचा खर्च विचारात घेवून भविप्य निर्वाह निधी संघटनेने पेन्शन रक्कम वाढविणे आवश्यक होते. परंतु सद्य परिस्थितीत मा केरळ उच्च न्यायालयाने पेन्शनवाढी संदर्भात निर्णय देवूनही मा. सर्वोच्च न्यायालयात विविध याचिका प्रलंबित आहेत.
अशा परिस्थितीत केंद्र सरकारने हस्तक्षेप करून कामगारांना न्याय देण्यासाठी विविध आंदोलने, निवेदनं झाली आहेत तरी सुध्दा भारत सरकार अल्प उत्पन, कष्टकरी समाजाची दखल घेतली नाही म्हणून भारतीय मजदूर संघाचे वतीने दि 20 जानेवारी 2022 रोजी आकुर्डी व पुणे क्षेत्रीय भविष्य निर्वाह निधी कार्यालय व देशभरातील भविष्य निर्वाह कार्यालया समोर निर्दशने करण्यात आली यातील प्रमुख मागण्या पुढीलप्रमाणे -
1) किमान पेन्शन प्रतिमाह रु.5000/- करावी.
2) पीफ व पेन्शन धारकांना नि:शुल्क आरोग्य सेवा देण्यात यावी
3) शेवटच्या पगाराच्या 50% रक्कम पेन्शन म्हणून देण्यात यावी
4) शासनाने घोषित केलेला महागाई भत्ता पेन्शन धारकांना मिळावा इत्यादी मागण्या केल्या आहेत.
या वेळी आकुर्डी भविष्य निर्वाह निधी कार्यालयात आयुक्त सचिन बोराटे यांनी निवेदन स्विकारले. या वेळी भारतीय मजदूर संघाच्या शिष्ठमंडळामध्ये अखिल भारतीय बिडी मजदूर महासंघाचे सरचिटणीस उमेश विस्वाद, अखिल भारतीय ठेका मजदूर महासंघाचे सरचिटणीस सचिन मेंगाळे, पुणे विभाग प्रमुख अर्जुन चव्हाण, प्रदेश सचिव सुधाकर पाटील भोसरी विभागातून अण्णा महाजन उपस्थित होते. यावेळी भोसरी विभागातून सेंचुरी ऐन्का कामगार कमिटी ,महेंद्रा सी.आय.ई , एसेल चाकण, सुर्या ईंजिनीयरींग भोसरी, डाटसन्न, ऑर्डनन्स फॅक्टरी देहुरोड या कंपनी मधील कामगार प्रतिनिधी उपस्थित होते.
तसेच भविष्य निर्वाह क्षेत्रीय आयुक्त पुणे गोळीबार मैदान येथे क्षेत्रीय आयुक्त निखील चंद्रा झोडे यांनी निवेदन स्विकारले. या वेळी भारतीय मजदूर संघाचे पुणे जिल्हा पदाधिकारी अभय वर्तक, विवेक ठकार, प्रविण पवार यांनी मार्गदर्शन केले.
