ऑलिकोर्न फिक्शन सिस्टीम एम्प्लॉईज युनियन व केअर इसेन्शियल इंटरनॅशनल एम्प्लॉईज युनियन संघटना पदाधिकारी यांना संरक्षित कामगार (Protected Employee) म्हणून मान्यता
पुणे : सणसवाडी येथील ऑलिकोर्न फिक्शन सिस्टीम एम्प्लॉईज युनियन व रांजणगाव MIDC येथील केअर इसेन्शियल इंटरनॅशनल एम्प्लॉईज युनियनचे पदाधिकारी यांना सहायक कामगार आयुक्त यांनी संरक्षित कामगार (Protected Employee) म्हणून मान्यतेचा आदेश दिला.
वरील दोन्ही युनियनने कंपनी व्यवस्थापनास संरक्षित कामगार (Protected Employee) म्हणून मान्यता देण्यासाठी पत्र दिले होते. परंतु व्यवस्थापनाने याची दखल न घेतल्याने सदर प्रकरण कामगार उपायुक्त कार्यालय याठिकाणी समेट कार्यवाहीत दाखल करण्यात आले. सदर प्रकरणी कामगार कार्यालय येथे बैठकी घेण्यात आल्या. त्यानंतर दि.१६ नोव्हेंबर २०२१ रोजी सहाय्यक कामगार आयुक्त यांनी सदर कामगारांना संरक्षित कामगार (Protected Employee) म्हणून मान्यतेचा आदेश दिला.
ऑलिकोर्न फिक्शन सिस्टीम एम्प्लॉईज युनियनचे अध्यक्ष गौतम ढेरंगे, उपाध्यक्ष सागर शिवले, जनरल सेक्रेटरी गणेश शितोळे, जॉईंट सेक्रेटरी अमोल गवारी, खजिनदार संकेत दळवी यांना तर केअर इसेन्शियल इंटरनॅशनल एम्प्लॉईज युनियनचे अध्यक्ष रोहिणी नवले, उपाध्यक्ष भरत टाक, जनरल सेक्रेटरी शारदा भोसले, सह सेक्रेटरी संभाजी केदारी, खजिनदार पुना फरकंडे यांना सरंक्षित कामगार (Protected Employee) म्हणून मान्यता देण्यात आली.
याकरिता श्रमिक एकता महासंघाचे मुख्य सल्लागार मारुती जगदाळे, श्रमिक एकता महासंघाचे अध्यक्ष दिलीप पवार तसेच महासंघाचे इतर पदाधिकारी यांची सहकार्य लाभले अशी माहिती युनियनच्या वतीने देण्यात आली.
सदर दोन आदेश जाहीर केले बाबत सहायक कामगार आयुक्त तथा समेट अधिकारी मु.अ.मुजावर तसेच डी.डी.पवार यांचे श्रमिक एकता महासंघाच्या वतीने आभार मानण्यात आले.
यावेळी श्रमिक एकता महासंघचे सल्लागार मारुतीराव जगदाळे यांनी सांगितले कि, संरक्षित कामगार करण्याविषयी कामगार कायद्यामध्ये तरतूद असून देखील कंपनी व्यवस्थापनाच्या आडमुठ्या धोरणामुळे शासन दरबारी दाद मागावी लागते याबद्दल खेद होतो तरी व्यवस्थापनाने याबाबत सुज्ञ पणाने वागावे अशी अपेक्षा आहे.
संरक्षित कामगार (Protected Employee) कोण :
- ज्या आस्थापनेत रजिस्टर संघटना आहे त्या संघटनेच्या पदाधिकाऱ्यांना संरक्षित कामगार म्हणून मान्यता मिळते.
सरंक्षित कामगार (Protected Employee) लाभ :
- चालू असलेल्या सेवाशर्ती मध्ये कोणताही बदल व्यवस्थापन कामगार आयुक्त यांच्या लेखी परवानगीशिवाय करू शकत नाही.
- परवानगी शिवाय बढती तसेच पदोन्नती करता येणार नाही.
- कामगार आयुक्त कार्यालयाकडून परवानगी शिवाय कारवाई करण्यास मनाई आहे.
सरंक्षित कामगार (Protected Employee) मान्यतेसाठीची पद्धत :
- दरवर्षी ३० सप्टेंबर च्या अगोदर संरक्षित कामगार यादी कंपनी व्यवस्थापनास सादर करणे बंधनकारक आहे.
- संघटनेच्या वतीने संरक्षित कामगार यादी कंपनी व्यवस्थापनाला दिलेल्या तारखेपासून पंधरा दिवसात कंपनीने मान्यता देणे आवश्यक आहे.
- कंपनी व्यवस्थापनाने १५ दिवसात मान्यता न दिल्यास कामगार उपायुक्त कार्यालयात समेटासाठी अर्ज करावा.
- अर्ज केल्यानंतर कामगार उपायुक्त व्यवस्थापना सोबत बैठक घेऊन मान्यता देतात.
संरक्षित कामगार (Protected Employee / Workmen) : बद्दल कायदा काय सांगतो, त्यामधील तरतुदी, मान्यता व सर्व माहिती - व्हिडिओ पहा (क्लिक करा)
कामगार नामा Youtube चॅनल पाहण्यासाठी : क्लिक करा
कामगार विषयक बातम्या पाहण्यासाठी : क्लिक करा
