नवी दिल्ली : देशातील ऑटो मार्केटमध्ये E-scooter लाँच केल्यानंतर Ola ने आणखी एक मोठा पुढाकार घेतला आहे. ओलाचे सह-संस्थापक भविश अग्रवाल यांनी म्हटले आहे की, कंपनीची इलेक्ट्रिक स्कूटर फॅक्टरी पूर्णपणे महिला चालवतील आणि मोठ्या प्रमाणावर जवळपास 10,000 हून अधिक महिलांना रोजगार दिला जाईल.
ते म्हणाले की,'आत्मनिर्भर भारताला आत्मनिर्भर महिलांची गरज आहे. तसेच असेही सांगितले की,' हा जगातील एकमेव मोटर व्हेईकल मॅनुफॅक्चरिंग प्लांट असेल जो केवळ महिलांद्वारेच चालवला जाईल.'
एका रिपोर्टचा हवाला देत ओलाचे चेअरमन अग्रवाल म्हणाले की,' केवळ महिलांनाच श्रमशक्तीमध्ये समान संधी मिळाल्याने देशाचा सकल घरेलू उत्पादन (GDP) 27 टक्क्यांनी वाढू शकेल. ते म्हणाले की,'उत्पादन क्षेत्रात महिलांचा सहभाग सर्वात कमी 12 टक्के आहे. महिलांना आर्थिक संधी उपलब्ध करून देणे आणि त्यांना सक्षम करणे केवळ त्यांचे जीवनच नव्हे तर त्यांचे कुटुंब आणि संपूर्ण समाज देखील सुधारते.' अग्रवाल म्हणाले की,' भारताला जगातील उत्पादन केंद्र बनवण्यासाठी आपण महिलांना कार्यबलात समाविष्ट करून त्यांचे कौशल्य वाढवण्यावर भर दिला पाहिजे.'
E-scooter उत्पादक Ola ने गेल्या वर्षी तामिळनाडूतील आपल्या पहिल्या E-scooter प्लांटवर 2,400 कोटी रुपयांच्या गुंतवणुकीची घोषणा केली होती. Ola म्हणाले की,'सुरुवातीला ते 10 लाख प्रतिवर्षाच्या क्षमतेसह उत्पादन सुरू करतील. बाजाराच्या मागणीनुसार ते 20 लाखांपर्यंत वाढवता येईल.'
