Aries Group of Companies Introduces Strict Anti-Dowry Policy For Employees
हुंडा प्रथेला आळा घालण्यासाठी एका कंपनीने एक अनोखी सुरुवात केली आहे. शारजाह स्थित एरिस ग्रुप अँड कंपनीने (Aries Group of Companies) आपल्या कर्मचार्‍यांवर हुंडाविरोधी धोरण लागू केले आहे. म्हणजेच जर या कंपनीत काम करणारे कर्मचारी हुंड्याची मागणी करत असतील तर त्यांना त्यांच्या नोकर्‍या गमवाव्या लागतील आणि त्यांच्याविरुद्ध कायदेशीर कारवाईदेखील होऊ शकते असे वृत्त द फोकस इंडिया वृत्तसंस्थेने दिले आहे.
कंपनी अनेक देशांमध्ये व्यवसाय करीत आहे. कंपनीचे संस्थापक आणि मुख्य कार्यकारी अधिकारी सोहन रॉय यांनी जगात पहिल्यांदाच हुंडाविरोधी धोरणाला एखाद्या संस्थेच्या रोजगार कराराचा भाग बनवले आहेत. एक भारतीय कंपनी म्हणून हे अतिशय कौतुकास्पद पाऊल आहे.
हे लक्षात घेण्यासारखे आहे की, यावर्षी ८ मार्च रोजी महिला दिनानिमित्त कंपनीने वेश्यावृत्तिविरोधी कायद्याचा प्रस्ताव दिला होता. या आठवड्यात कंपनीने याची अंमलबजावणी केली आहे. हे धोरण १६ देशांमधील कंपनीच्या शाखांमध्ये कार्यरत असलेल्या भारतीयांसह सर्व कर्मचार्‍यांवर काटेकोरपणे लागू केले आहे.
नवीन नियमांनुसार, भविष्यात हुंडा घेणाऱ्या किंवा देणाऱ्या कोणत्याही कर्मचार्‍यास पुढे काम करण्याची परवानगी दिली जाणार नाही.
कंपनीत काम करणाऱ्या कर्मचाऱ्यांनी या कराराचे नूतनीकरण करण्यासाठी प्रथम हुंडाविरोधी धोरणावर सही करणे बंधनकारक केले आहे. यासह हुंडाविरोधी जागरूकता मोहीम राबविण्याच्या सूचनाही देण्यात आल्या आहेत.
