भारतीय मजदूर संघ प्रदेश महिला अभ्यास वर्गात घोषणा
पुणे : भारतीय मजदूर संघाच्या ७० व्या वर्धापन दिनानिमित्त विविध कार्यक्रमांचे आयोजन करण्यात आले असून, त्याच अंतर्गत भारतीय मजदूर संघ – महाराष्ट्र प्रदेश महिला अभ्यास वर्ग दिनांक १ व २ नोव्हेंबर २०२५ रोजी सौदामिनी सभागृह, मंगळवार पेठ, पुणे येथे आयोजित करण्यात आला आहे.
या अभ्यासवर्गाच्या उद्घाटनप्रसंगी खासदार डॉ. मेधाताई कुलकर्णी यांनी मार्गदर्शन करताना सांगितले की, “अंगणवाडी, आशा वर्कर आणि इतर महिला कामगारांच्या विविध प्रलंबित प्रश्नांबाबत सरकारकडे सातत्याने पाठपुरावा करून त्यांना न्याय मिळवून देण्यासाठी भारतीय मजदूर संघ ठाम प्रयत्न करेल.”
अभ्यासवर्गात विविध शासकीय योजना, कामगारांना मिळणारे अल्प वेतन, सामाजिक सुरक्षा, तसेच कार्यपद्धतीतील त्रुटी या विषयांवर सखोल चर्चा झाली.
महिला आरोग्य विषयावर बोलताना डाॅ. मुक्ता उमरजी (एम.डी. गायनॅकॉलॉजिस्ट) म्हणाल्या, “महिला कार्यकर्त्यांनी स्वतःच्या आरोग्याला प्राधान्य दिल्यास सशक्त कुटुंब आणि सुदृढ समाज निर्माण होईल.”
या अभ्यासवर्गाचा उद्देश म्हणजे संघटनेतील महिला कार्यकर्त्यांना संघटनात्मक, सामाजिक आणि कामगार क्षेत्रातील विषयांवर प्रशिक्षण देणे हा आहे. व्यक्तिमत्त्व विकास, असंघटित क्षेत्रातील महिला कामगारांसाठीच्या कल्याणकारी योजना, कामगार क्षेत्रातील नव्या आव्हाने आणि उपाययोजना यावर तज्ञांनी मार्गदर्शन केले.
चिंतन सत्रात राहुल पुंडे पंचपरिवर्तन मार्गदर्शन केले, नोकरी करणारे महिला ना कुटुंब, नोकरी , व सामाजिक संगठन यांच्या नियोजन करून सामाजिक काम करावे असे मनोगत संध्या देशपांडे , सहभागी महिलांना प्रशस्ती पत्र देऊन समारोप भारतीय मजदूर संघ महाराष्ट्र प्रदेश अध्यक्ष अँड अनिल ठुमणे यांनी केले
कार्यक्रमाचे अध्यक्ष अँड. अनिल ढुमणे (प्रदेशाध्यक्ष, भारतीय मजदूर संघ – महाराष्ट्र) होते. कार्यक्रमास सौ. नीता चोबे (राष्ट्रीय उपाध्यक्षा, भारतीय मजदूर संघ), शिल्पा देशपांडे, बाळासाहेब भुजबळ, अर्जुन चव्हाण, तसेच विविध जिल्ह्यांतील महिला कार्यकर्त्या मोठ्या संख्येने उपस्थित होत्या.
या अभ्यासवर्गाचे आयोजन आणि समन्वय सौ. वंदना कामठे, सौ. शर्मिलाताई पाटील, आणि सौ. संजना वाडकर , वनिता सावंत , मनिषा ठुमणे, सुभाष सावजी , सुरेश जाधव, धनंजय इनामदार, बेबीराणी डे, रोहिणी पाटसकर व कामगार महासंघाचे पुण्यातील पदाधिकाऱ्यां नी केले असून त्यांच्या प्रयत्नांमुळे कार्यक्रम अत्यंत यशस्वीरीत्या पार पडला.
