पुणे : शिरूर येथे कामगार नामा ट्रस्ट यांच्या माध्यमातून "गुरुपौर्णिमा" निमित्ताने दिनांक १० जुलै २०२५ रोजी रक्तदान शिबीर आयोजित करण्यात आले होते यामध्ये ६५ कामगार व नागरिकांनी रक्तदान केले. यावेळी रक्तदाते यांना भेटवस्तू, प्रमाणपत्र देण्यात आले. यावेळी या उपक्रमास महाराष्ट्र कामगार कल्याण मंडळ अधिकारी अविनाश राऊत यांनी भेट दिली.
"कामगार नामा" याच्या माध्यमातून सन २०१९ पासून www.kamgarnama.com या ऑनलाईन पोर्टल माध्यमातून सर्व प्रकारच्या संघटित / असंघटित कामगार विषयी बातम्या, कामगार कायदे ओळख, विविध कंपनी मध्ये होणारे वेतनवाढ करार, विविध शासकीय योजना, PF, ESIC, महाराष्ट्र कामगार कल्याण मंडळ योजना व विविध माहिती रोज प्रसिद्ध करून महाराष्ट्रातील लाखो कामगार यांच्या पर्यंत पोहचवली जाते.
सर्व प्रकारचे संघटित, असंघटित कामगार/ कर्मचारी सर्वांसाठी सामाजिक उपक्रम राबविण्यासाठी "कामगार नामा ट्रस्ट" या सामाजिक संस्थेची नोंदणी धर्मदाय कार्यालय,पुणे येथे करण्यात आली आहे.
पुढील येणाऱ्या काळात देखील कामगार नामा ट्रस्ट या सामाजिक संस्थेद्वारे सर्व प्रकारच्या संघटित, असंघटित कामगार व त्यांचे कुटुंबीय यांच्याकरता विविध सामाजिक उपक्रम, मार्गदर्शन शिबिर हेल्थ चेकअप कॅम्प तसेच शासनाच्या विविध योजना याबद्दल कार्यक्रम आयोजित करण्यात येणार आहे, अशी माहिती कामगार नामा ट्रस्ट अध्यक्ष भूषण कडेकर यांनी दिली.
