सातपूर : येथील एमआयडीसीतील गोल्डी प्रेसिडेंट टेक्नॉलॉजी प्रा.लि. (Goldy Precision Technologies Pvt. Ltd) कंपनी व्यवस्थापन व सिटू प्रणित नाशिक वर्कर्स युनियन यांच्यात प्रदीर्घ चर्चा होऊन रु.११०००/- ते रु.१२०००/- रुपये वेतनवाढ करारावर सह्या करण्यात आल्या.
या व्यतिरिक्त कामगारांना इंजिनिअरिंग उद्योगासाठी लागू असलेल्या महागाई भत्तातील वाढ वेळोवेळी मिळणार आहे. त्याचबरोबर २० अर्जित रजा, ७ किरकोळ रजा, ७ आजारीपणाच्या रजा, दोन लाखाचे कव्हरेज असला मेडिक्लेम व बोनस मिळणार आहे. कामगारांना दोन लाख रुपयांपर्यंतचे कर्जही कंपनीकडून उपलब्ध करून देण्यात येईल. कामगार व त्यांच्या कुटुंबीयांसाठी दोन लाख रुपयाचे कव्हरेज असणारे मेडिक्लेम इन्शुरन्स लागू करण्यात येणार आहे. त्याचबरोबर वर्गवारीनुसार रु.५४००/- ते रु.६३००/- वार्षिक प्रवास भत्ताही मिळेल.
वेतन करारावर कंपनीच्या वतीने डायरेक्टर सिद्धेश रायकर, सीईओ, एचआर पूजा रायकर, वरिष्ठ मॅनेजर मंगेश चौधरी व कामगारांच्या वतीने सीटूचे राष्ट्रीय उपाध्यक्ष व राज्याध्यक्ष डॉ. डी एल कराड, कॉ सिताराम ठोंबरे, कॉ तुकाराम सोनजे, कॉ संतोष काकडे, कमिटी कामगार प्रतिनिधी मधुकर चौधरी, अशोक सोनवणे, समाधान पाटील, विजय माळी, वैभव शिंदे यांनी सह्या केल्या.
 येथे वेतनवाढ करार संपन्न){kind=link}