पुणे : सणसवाडी, ता. शिरुर येथील वेस्टर्न इंडिया फोर्जीग कामगार संघटना पदाधिकारी यांना सहायक कामगार आयुक्त तथा समेट अधिकारी द. दा. पवार यांनी संरक्षित कामगार (Protected Employee) म्हणून मान्यतेचा आदेश दिला.
वरील संघटनेने कंपनी व्यवस्थापनास संरक्षित कामगार (Protected Employee) म्हणून मान्यता देण्यासाठी पत्र दिले होते. व्यवस्थापन व अर्जदार कामगार संघटना यांच्या दि. २३/०९/२०२४ व दि. ०८/१०/२०२४ रोजी उभयपक्षांमध्ये चर्चा करण्याकरीता कामगार कार्यालय येथे बैठक आयोजित करण्यात आली होती. यापैकी दि. ०८/१०/२०२४ रोजीच्या बैठकीत व्यवस्थापन प्रतिनिधी यांनी सदर संघटनेच्या मध्यस्थी पत्रामधील नमूद कामगारांना संरक्षित कामगार म्हणून मान्यता देणेबाबत संमती दर्शविली. त्यानंतर दि.८ ऑक्टोबर २०२४ रोजी सहाय्यक कामगार आयुक्त यांनी सदर कामगारांना संरक्षित कामगार (Protected Employee) म्हणून मान्यतेचा आदेश दिला.
वेस्टर्न इंडिया फोर्जीग कामगार संघटनेचे अध्यक्ष गणेश सुरेश मोरे, उपाध्यक्ष अजय बाळासाहेब टिळेकर, जनरल सेक्रेटरी सागर सावळेराम सोनवणे, सह सेक्रेटरी तानाजी श्रीमंत चोपडे, सदस्य संदीप सुरेश साबळे यांना सरंक्षित कामगार (Protected Employee) म्हणून मान्यता देण्यात आली.
सदर आदेश जाहीर केले बाबत सहायक कामगार आयुक्त तथा समेट अधिकारी तथा समेट अधिकारी द. दा. पवार यांचे संघटनेच्या वतीने आभार मानण्यात आले.
संरक्षित कामगार (Protected Employee) कोण :
- ज्या आस्थापनेत रजिस्टर संघटना आहे त्या संघटनेच्या पदाधिकाऱ्यांना संरक्षित कामगार म्हणून मान्यता मिळते.
सरंक्षित कामगार (Protected Employee) लाभ :
- चालू असलेल्या सेवाशर्ती मध्ये कोणताही बदल व्यवस्थापन कामगार आयुक्त यांच्या लेखी परवानगीशिवाय करू शकत नाही.
- परवानगी शिवाय बढती तसेच पदोन्नती करता येणार नाही.
- कामगार आयुक्त कार्यालयाकडून परवानगी शिवाय कारवाई करण्यास मनाई आहे.
सरंक्षित कामगार (Protected Employee) मान्यतेसाठीची पद्धत :
- दरवर्षी ३० सप्टेंबर च्या अगोदर संरक्षित कामगार यादी कंपनी व्यवस्थापनास सादर करणे बंधनकारक आहे.
- संघटनेच्या वतीने संरक्षित कामगार यादी कंपनी व्यवस्थापनाला दिलेल्या तारखेपासून पंधरा दिवसात कंपनीने मान्यता देणे आवश्यक आहे.
- कंपनी व्यवस्थापनाने १५ दिवसात मान्यता न दिल्यास कामगार उपायुक्त कार्यालयात समेटासाठी अर्ज करावा.
- अर्ज केल्यानंतर कामगार उपायुक्त व्यवस्थापना सोबत बैठक घेऊन मान्यता देतात.
 म्हणून मिळाली मान्यता){kind=link}