केंद्र सरकारच्या श्रम आणि रोजगार मंत्रालयाच्या अखत्यारीतील कर्मचारी राज्य विमा महामंडळाचे महासंचालक म्हणून भारतीय प्रशासकीय सेवेतील अधिकारी अशोक कुमार सिंग यांनी (दि.19 ऑगस्ट) नवी दिल्लीत महामंडळाच्या मुख्यालयात कार्यभार स्वीकारला.
अशोक कुमार सिंग हे 1999 या वर्षातील केरळ तुकडीचे भारतीय प्रशासकीय सेवेतील अधिकारी आहेत. या आधी ते केरळ राज्यातील जल संसाधन विभागाचे प्रधान सचिव होते. जिल्हा तसेच राज्यस्तरावरील संस्थांमध्ये प्रशासन आणि व्यवस्थापनाचा त्यांना दांडगा अनुभव आहे.
केंद्रीय स्तरावर त्यांनी स्वच्छ गंगा राष्ट्रीय परियोजनेचे कार्यकारी संचालक म्हणून काम केले आहे. संरक्षण मंत्रालयात सहसचिव तसेच अर्थ मंत्रालयात संचालक म्हणूनही त्यांनी काम केले आहे.
अशोक कुमार सिंग यांनी नवी दिल्लीच्या राष्ट्रीय संरक्षण महाविद्यालयातून एम फिल केले आहे तसेच ते आयआयटी कानपूरचे यांत्रिक अभियांत्रिकीचे पदवीधर आहेत.
 महासंचालक म्हणून अशोक कुमार सिंग यांनी कार्यभार स्वीकारला){kind=link}