चाकण : औद्योगिक वसाहतीमधील निघोजे येथील Track Components Ltd कंपनी व्यवस्थापन आणि स्वाभिमानी श्रमिक कामगार संघटना यांच्यामध्ये झालेल्या वेतनवाढ करारावरती आमदार पै.महेश लांडगे व पै.रोहिदास गाडे यांच्या प्रमुख उपस्थितीत सह्यांचा कार्यक्रम संपन्न झाला.
कराराची ठळक वैशिष्ट्ये :
- एकूण पगार वाढ : रु. १२,५००/-
- कराराचा कालावधी : ३ वर्षे (दि.०१/०४/२०२१ ते दि.३१/०३/२०२४ पर्यंत)
- पगार वाढीचे प्रमाण : ८० : १० : १० तीन वर्षासाठी
- प्रत्येक कामगाराला प्रत्येकी ९ महिन्याचा फरक देण्यात येणार आहे.
- मेडिक्लेम पॉलीसी : रुपये एक लाख संपूर्ण खर्च कंपनी करणार, व जादाची तीन रुपयांची बफर पॉलीसी
- मृत्यू साहाय्य योजना :
ब) एखाद्या कामगाराचा अपघात होऊन अपंगत्व आल्यास युनियन सोबत चर्चा करून त्यास मदतनिधी व योग्य त्या ठिकाणी कामावर ठेवण्यात येईल,
- ग्रुप एक्सीडेंट पॉलिसी : दोन लाख पन्नास हजार रुपये
- जर एखाद्या कामगाराचा कंपनीत कामावर असताना अपघात झाल्यास त्यामुळे त्याचे काही काळा नंतर उद्धवणार्या आजाराचा खर्च पूर्णपणे कंपनी करणार
- सुट्या : PL - १५, SL - ०८, CL - ०८, PH - १०, मतदानाची सुट्टी सरकारी आदेशानुसार राहील, एका महिन्यात दोन वेळा शॉर्ट लिव्ह देण्याचे मान्य
- दिवाळी बोनस : रु.१५,२००/- वार्षिक बोनस म्हणून देण्यात येईल, व एक भेट वस्तू देण्यात येईल
- वैयक्तिक कर्ज सुविधा : प्रत्येक कामगारास रु.४०,०००/- (चाळीस हजार) रुपये देण्याचे मान्य
- वार्षिक स्नेहसंमेलन : प्रत्येक वर्षी वाढीव स्वरूपात करण्याचे मान्य
करारावरती संघटनेच्या वतीने प्रमुख सल्लागार भोसरी विधानसभेचे आमदार पै. महेश लांडगे, पै. रोहिदास गाडे, संघटनेचे अध्यक्ष जीवन येळवंडे, सरचिटणीस कृष्णा रोहोकले, उपाध्यक्ष शामभाऊ सुळके, खजिनदार अमृत चौधरी, माथाडी कामगार नेते किसनराव बावकर, मा. नगरसेवक शांताराम बापू भालेकर, उपाध्यक्ष पिंपरी चिंचवड शहर भाजपा अनिल अण्णा लोंढे, पै.साईराज येळवंडे, तेजश बीरदवडे, प्रशांतआप्पा पाडेकर, सोमनाथ जानराव, रविंद्र भालेराव, यूनिट अध्यक्ष दिपक बऱ्हाटे, उपाध्यक्ष मिंन्टू कुमार, सरचिटणीस प्रवीण वाडेकर, सहचिटणीस अनिल कुंभार, खजिनदार सवाई सिंह, व्यवस्थापनाच्या वतीने कंपनीचे सी.इ.ओ. राजेश खन्ना, प्लांट हेड गिरीश भेंडगावे, एच आर मॅनेजर अविनाश चोरमाले यांनी सह्या केल्या.
संघटनेच्या वतीने प्रमुख सल्लागार भोसरी विधानसभेचे आमदार पै. महेश लांडगे, अध्यक्ष जीवन येळवंडे व कंपनी सी.ई.ओ. राजेश खन्ना यांनी उपस्थित कामगार बंधू व व्यवस्थापन यांना मोलाचे मार्गदर्शन केले, तसेच पुजाताई थिगळे यांनी सूत्रसंचालन, सरचिटणीस कृष्णा रोहोकले यांनी सर्व उपस्थितांचे आभार मानले व कार्यक्रमाचा समारोप केला. कामगारांनी पेढे वाटून फटाक्याची अतिषबाजी करून आनंद व्यक्त केला.
